Sahityasetu

શ્રદ્ધાંજલિ

આજથી દસેક વર્ષ પૂર્વે ગાંધીનગરના મધ્યમાં આવેલ મધ્યસ્થ ગ્રંથાલયની લોનમાં અમે મિત્રો મળ્યા હતા ત્યારે જિજ્ઞેશ બ્રહ્મભટ્ટે વાત-વાતમાં કહેલું કે ‘આપણે ત્યાં કેટલીક વેબસાઈટ એવી શરૂ થઈ છે જેમાં ભોજનની રેસિપીથી માંડી કવિતા, શાયરી, અને લઘુકથાઓથી માંડી આડેધડ લાગતું- ગુજરાતી પીરસવામાં આવી રહ્યું છે. આપણે સાહિત્ય અને શિક્ષણને ધ્યાનમાં રાખીને કોઈ વેબસાઈટ કરીએ તો કેવું ?’ - એ તો બહુ સક્રિય ન રહી શક્યો પણ અમે બીજા મિત્રોએ આ સાહિત્યસેતુ ઇ-જર્નલ શરુ કરવાનું વિચાર્યું- થોડા અંકો સુધી જિજ્ઞેશ બ્રહ્મભટ્ટ સહસંપાદક તરીકે જોડાઈને પણ રહ્યો,...પણ 46 વર્ષની નાની વયે તા. 12 ઓક્ટોબર 2018ના રોજ આ પ્રિય મિત્ર, ઉત્તમ વાર્તાકાર, ચિત્રકાર, સમીક્ષક, અધ્યાપક અને પક્ષીવિદ્ એવા ડૉ. જિજ્ઞેશ બ્રહ્મભટ્ટે આ સંસારમાંથી વિદાય લીધી.
એનું આમ ચાલી જવું- સ્તબ્ધ કરી નાંખનારું છે.
સલામ દોસ્ત... તને, તારી જિંદાદીલી અને વ્યાપક એવી કલાસમજને.