નજર
ફકત સુખની ક્ષણો પર ખોટી દાનત ન રાખ,
પણ આ સંઘર્ષોના દાયકાઓ પર નજર તો નાંખ.
ને તેના મોજભર્યાં આયખાં પર ઈર્ષ્યા ન રાખ,
પણ તેની જિંદગીના પડાવો પર નજર તો નાંખ.
બીજાની ખામીઓના તું બહુ હિસાબો ન રાખ,
પણ તારા કર્તવ્યના X-ray પહેલા કરવાનું તો રાખ.
કોઈની સિદ્ધિઓને પીંખવામાં બહુ રસ ન રાખ,
પણ તેના સાહસોની પાછળ થોડી નજર તો નાંખ.
સૂતી વેળાએ હવે આંખો-મગજ બહુ દુઃખે છે ને,
તો તું બીજામાં ઝાઝાં ડોકિયાં કરવાનું ન રાખ.
કોઈની શાંત પ્રકૃતિને તું કદી ઓછી ન આંક,
પણ તેના સફળ જીવનના અર્થો પામવાનું તો રાખ